Il-MEUSAC, flimkien mal-Ministeru tar-Riżorsi u l-Affarijiet Rurali u l-Bank of Valletta, organizza sessjoni ta’ informazzjoni ghall-bdiewa, ir-rahhala u r-rappreżentanti taghhom dwar il-Miżura 114. Din l-attività saret nhar l-Erbgha 18 ta’ Marzu fil-BOV Centre, Sta Venera.

L-ghan ta’ din l-attività kien biex jigi mfisser l-iskop ta’ din il-miżura li ser tipprovdi ghajnuna ghall-uzu ta’ Advisory Service ghall-bdiewa u r-rahhala. Gie spjegat dak li wiehed ghandu jaghmel biex ikun eligibbli ghal din l-ghajnuna. 

Ghal din il-laqgha gew mistiedna l-bdiewa u r-rahhala, l-organizzazzjonijiet u l-ghaqdiet li jirrappreżentawhom, il-koperattivi u dawk kollha li ghandhom interess f’dan il-qasam. Indirizzaw din il-laqgha l-Onor. George Pullicino, Ministru ghar-Rizorsi u Affarijiet Rurali, kif ukoll l-Onor. Chris Said, Segretarju Parlamentari ghall-Konsultazzjoni Pubblika u Informazjoni.